تقرير زيارتي لمقهى الأريج النسائي | Leareejcafe

مساء / صباح الخير

مقهى الأريج هو مقهى نسائي موجود في المنطقة الشرقية/ محافظة الأحساء. اليوم بكتب لكم عن زيارتي وإنطباعي الأول

من أول نظرة المكان ينطق أنوثة، زيارتي كانت في وسط الأسبوع فكان فاضي ورايق، المكان نظيف بشكل عام.

الموظفات سعوديات بالاضافة الى موظفة فلبينية اتوقع.

جلست فيه ٣ ساعات ونص

الجلسات حلوه لكن المكان صغير يعني لو كان زحمة راح يكون ازعاج ومافيه خصوصية ! ان شا الله يتوسعون بالمستقبل

طاولتي.

طلبت باستا خضار + مكس صوص، طبعاً كنت متخوفه لان مو اي باستا تعجبني والمينيو مافيه اضافات للطبق، توكلت وطلبتها والطعم اقدر اقول انه في المخ على طووول. ما شاء الله ولا غلطة لذيذ بشكل اني وانا اكتب الحين حسيت بالطعم :'(

العصير مانجو وكان فريش وباارد، الطعم موزون لا حالي ولا حامض.

بنتي جربت برجر الدجاج وهي مثلي انتقائية في الاكل لكن عجبها وخلصت صحنها ما شاء الله


بعدها اخذت موكا باردة وحلى

الموكا كان ممتاز لكن قوي علي جداً لاني منقطعه عن الكافيين لي اكثر من سنة الان. طلبته لان ما كان فيه شي بدون. اتوقع بيعجب اصحاب القهوة.

الحلى لذيذ والايسكريم المضاف من باسكن فتحسب لصالحهم، بعض المحلات يحطون اردى ايسكريم.

الايجابيات:

* المكان جميل ورايق

* الاطباق اللي جربتها لذيذة وتستاهل اني اطلبها مرات ثانية

* الخدمة ممتازة

* الاسعار تقريباً متوسطة

* بعد تقديم الاكل حطوا بخور عشان لو كان فيه روائح طبخ
أمور تمنيت ينتبهون لها:

* تمنيت لو الموظفات مغطين شعرهم داخل المطبخ

* الهوية تحتاج اهتمام اكثر، مثلاً مفارش ورقية تحت الصحون للتقديم فوق الطاولة، بدل ما تنحط الملاعق والشوك فوق الطاولة كذا

* علب او حافظات ذوق للمناديل بدل ما تنحط بكرتونها او كيسها العادي وتخرب المنظر.

* المينيو افضل لو يكون بروفشنال وله نفس هوية المكان


عندهم خدمات ثانية مثل حجز المقهى كامل للحفلات، وخدمة التوصيل.

هل بعيد التجربة ؟ اكيد بدون ادنى شك. والان افكر اطلب لي سفري :*
حسابهم بالانستقرام

@learejcafe

One thought on “تقرير زيارتي لمقهى الأريج النسائي | Leareejcafe”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

http://www.hloombloom.com/wp-content/plugins/wp-monalisa/icons/wpml_bye.gif 
http://www.hloombloom.com/wp-content/plugins/wp-monalisa/icons/wpml_good.gif 
http://www.hloombloom.com/wp-content/plugins/wp-monalisa/icons/wpml_negative.gif 
http://www.hloombloom.com/wp-content/plugins/wp-monalisa/icons/wpml_scratch.gif 
http://www.hloombloom.com/wp-content/plugins/wp-monalisa/icons/wpml_wacko.gif 
http://www.hloombloom.com/wp-content/plugins/wp-monalisa/icons/wpml_yahoo.gif 
http://www.hloombloom.com/wp-content/plugins/wp-monalisa/icons/wpml_cool.gif 
http://www.hloombloom.com/wp-content/plugins/wp-monalisa/icons/wpml_heart.gif 
http://www.hloombloom.com/wp-content/plugins/wp-monalisa/icons/wpml_rose.gif 
http://www.hloombloom.com/wp-content/plugins/wp-monalisa/icons/wpml_smile.gif 
http://www.hloombloom.com/wp-content/plugins/wp-monalisa/icons/wpml_whistle3.gif 
http://www.hloombloom.com/wp-content/plugins/wp-monalisa/icons/wpml_yes.gif 
http://www.hloombloom.com/wp-content/plugins/wp-monalisa/icons/wpml_cry.gif 
http://www.hloombloom.com/wp-content/plugins/wp-monalisa/icons/wpml_mail.gif 
http://www.hloombloom.com/wp-content/plugins/wp-monalisa/icons/wpml_sad.gif 
http://www.hloombloom.com/wp-content/plugins/wp-monalisa/icons/wpml_unsure.gif 
http://www.hloombloom.com/wp-content/plugins/wp-monalisa/icons/wpml_wink.gif