منتجات خلصتها

مساء / صباح ،، الخير

صار لي فترة أحاول أخلص المنتجات الى آخر قطرة، لأني دايمًا أترك العلبة وفيها منتج أقل من نصف العلبة أو نصفها. اليوم بكتب لكم عن منتجات خلصتها أو وقفت استخدامها وتجربتي معاها.

نبدأ مع أول منتج .. }

تونر THAYERS PEACH WITCH HAZEL بالخوخ من آيهرب التونر يستخدم بعد تنظيف الوجه يعادل أحماض البشرة ويضيق المسام، ريحته خوخ لذيذة حسيته خفيف يعني تقريباً كأنه ماي الورد، بعد مسحه على الوجه احس بشد خفيف، موجود في موقع ايهرب، اتوقع الان تغير شكل العلبة. رجعت شريت تونر من نفس الشركة لكن نوع ثاني.

المنتج الثاني ..}

NOW COCONUT OIL

زيت جوز الهند من شركة NOW للشعر والبشرة، مكتوب عليه انه بس زيت جوز هند خام بس انا حسيت مضاف له شي ثاني او مخفف لاني قد جربت زيت ثاني استخدمه حتى للطبخ وافضله اكثر حتى للبشرة، هذا ما يعني اني ماحبيت هذا، استخدمه في ازالة المكياج واضيفه للكريمات، لحاله على البشرة ما احس ينفع، استخدم منه نتفه صغيييرة للشعر يعطي لمعة حلوة ويحافظ على الشعر فترة اطول بدون ما ينفش. طلبت منه علبة جديدة من موقع ايهرب.

المنتج الثالث .. }

MIZON ACENCE MARK- X BLEMISH AFTER CREAM

الكريم هذا كوري، انا من زمان احب منتجات العناية الكورية لان كوريا متقدمة جدًا في خط العناية بالبشرة بالنسبة للدول الثانية، حتى الماركات العالمية تنزل منتجات مشابهه للمنتجات الكورية في الفكرة بعد سنوات، كثيييير منتجات انصدمت ان الشركات الكبيرة نسخت الافكار الكورية !

المهم هذا الكريم من شركة ميزون يعالج الحبة اللي تطلع فجأة خلال ٣ إلى خمسة أيام، يعني مرات يضبط معاي مرات ما يضبط شعوري اتجاهه متلخبط، لكن رجعت شريته اكثر من مرتين.

المنتج الرابع ..}

AVEENO BABY ECZEMA THERAPY

كريم ترطيب للأطفال اللي يعانون من الاكزيما، كلمة روعة قليلة عليه.طبعاً ما نقدر نقول علاج لكن مرطب ممتاز جداً جداً مع الاستمرار عليه تقل الاكزيما حتى تتلاشى. ما اذكر كم علبة استخدمت منه يمكن ٤ علب. قوامه خفيف ويصير دبق شوي ويلصق بس النتيجة تستحق. اطلبه اونلاين من ايهرب.

المنتج الخامس ..}

Crystal Body Deodorant, Roll-On Body Deodorant

ديودرنت ( مزيل رائحة العرق ) فاشل إلى أبعد حد، المره اللي جربته فيها كرهت نفسي، وعلى طول رميته. العلبة اتوقع داخلها ماء فقط هههههه . من ايهرب

المنتج السادس .. }

غسول الوجه من كلينيك، اشتريت المجموعة كاملة غسول + تونر + الكريم المرطب ( للبشرة الجافة ). الغسول مشاعري اتجاهه متقلبه هو قوامه خفيف على البشرة وكويس لكن احس الكميكلز فيه كثيرة. التونر نااااار، حار، حاارق استخدمته مره بس وحرقني بشكل على طول تخلصت منه. أما الكريم المرطب الشهير يستاهل كل ريال يندفع فيه. من سيفورا.

المنتج السابع ..}

ماك فيكس، المعروف لا يُعرّف والكلام عنه كثير ما اعتقد يحتاج شهادة مني، لكن هالبخاخ ما اقدر اعيش بدونه، عشان كذا حبيت اضيفه للتدوينة، هو عبارة عن فوتوشوب او فلتر داخل علبة ههههه اخر خطوة للمكياج قبل التثبيت بختين ثلاث يدمج كل شي مع بعض ويختفي المنظر المغبر. من ماك

المنتج الثامن ..}

كريم العين من بوبي براون، الكل يمدحه وعليه كلام كثير. للأسف عيوني تتحسس منه على الآخر.  ممكن من الروائح اللي فيه. ما ادري، ماشفت نتيجه لاني وقفت استخدامه طبعاً.

المنتج التاسع .. }

MISS DIOR BLOOMING BOUQUET

ديور من الشركات اللي احب اغلب عطورها، استخدمت منهم عدد لا بأس به. هذا العطر ريحته بالضبط مثل اسمه باقة ورد، حلو للفترات الصباحية من مكوناته الأساسية زهرة البيوني والمشمش، الورد الدمشقي والمندرين، والمسك. ناعم وصباحي وأنثوي

 

ما بغت تنزل هالتدوينة ..

ألقاكم على خير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

http://www.hloombloom.com/wp-content/plugins/wp-monalisa/icons/wpml_bye.gif 
http://www.hloombloom.com/wp-content/plugins/wp-monalisa/icons/wpml_good.gif 
http://www.hloombloom.com/wp-content/plugins/wp-monalisa/icons/wpml_negative.gif 
http://www.hloombloom.com/wp-content/plugins/wp-monalisa/icons/wpml_scratch.gif 
http://www.hloombloom.com/wp-content/plugins/wp-monalisa/icons/wpml_wacko.gif 
http://www.hloombloom.com/wp-content/plugins/wp-monalisa/icons/wpml_yahoo.gif 
http://www.hloombloom.com/wp-content/plugins/wp-monalisa/icons/wpml_cool.gif 
http://www.hloombloom.com/wp-content/plugins/wp-monalisa/icons/wpml_heart.gif 
http://www.hloombloom.com/wp-content/plugins/wp-monalisa/icons/wpml_rose.gif 
http://www.hloombloom.com/wp-content/plugins/wp-monalisa/icons/wpml_smile.gif 
http://www.hloombloom.com/wp-content/plugins/wp-monalisa/icons/wpml_whistle3.gif 
http://www.hloombloom.com/wp-content/plugins/wp-monalisa/icons/wpml_yes.gif 
http://www.hloombloom.com/wp-content/plugins/wp-monalisa/icons/wpml_cry.gif 
http://www.hloombloom.com/wp-content/plugins/wp-monalisa/icons/wpml_mail.gif 
http://www.hloombloom.com/wp-content/plugins/wp-monalisa/icons/wpml_sad.gif 
http://www.hloombloom.com/wp-content/plugins/wp-monalisa/icons/wpml_unsure.gif 
http://www.hloombloom.com/wp-content/plugins/wp-monalisa/icons/wpml_wink.gif