كيف أختار الروج المناسب من ماك، مجموعة من أرواجي | M.A.C lipstick Guide

صباح \ مساء الخير

كثير نحتار لمّا نوقف نختار روج من ستاند أرواج ماك !

العدد كبير والخيارات والألوان كثيرة جداً، فالبعض يختار الحل الأسهل بحيث ان البنت تختار أرواج مشهورة واسمائها متداوله بين البنات، وهالشيء مو غلط طبعًا لكن حلو الشخص يختار مشترياته بنفسه ويعيش التجربة. اليوم بتكلم معاكم عن أنواع أرواج ماك الليب ستيك فقط.

ألوان الأرواج عند ماك تتكون من مجموعات منها [ النود \ البيجيات والالوان الترابية ]، [ الكورال \ المشمشي ]، [الوردي والأحمر والتوتي] كلها بدرجات كثيرة بالأضافة الى تنوع الاندرتون من دافية أو باردة أو محايدة. الشيء المميز فعلاً أن كل روج يختلف في الفورميلا عن الأرواج الثانية بحيث يختلف مظهره النهائي وملمسه والأحساس اللي يتركه.

أما بالنسبة للفينش (المظهر النهائي) عندهم اذا ما خاب ظني ما يقارب ١٢ أو ١٣ نوع، ١٠ أنواع منها ثابتة. تتدرج من الريترو مات الى القليز، بحيث كل ما اتجهنا لمجموعات المات قل الترطيب وزاد الثبات وقوة اللون وكل ما اتجهنا العكس زادت نسبة الترطيب وقل الثبات وقوة اللون، بذكر لكم أهمها وبعض مميزاتها عشان بعدين يسهل عليكم القرار

  • الريترو مات RETRO MATTE

أقوى الأرواج في البيقمنت للألوان والأقل في الترطيب، الثبات عالي جداً، اللون مطفي وبدون لمعة، البعض ممكن يحس بصعوبة في مد اللون. منها الروج المشهور جداً [ Ruby Woo ].

  • المات MATTE

قوة اللون تجي بعد الريترو مات، الترطيب فيها أكثر بشوي من الريترو، ثباتها ممتاز ويعتمد على تعرض شفايفك لشنو وقتها، اللون مطفي وبدون لمعة، البعض ممكن يحس بصعوبة في مد اللون. منها الارواج المشهورة [ Please Me, Heroine, Lady Danger ].

  • الساتن SATIN

بيقمنت اللون قوي، نسبة الترطيب فيها أكثر من المجموعتين اللي قبلها، ثباتها ممتاز ويتأثر بالأكل والشرب طبعاً، اللون مو مطفي فيه لمعة صحية خفيفة بسبب الترطيب، مريحة وسهلة المد على الشفايف وهذي المجموعة هي الاقرب لقلبي. منها الأرواج المشهورة [ Twig, M.A.C Red ].

  • الامبليفايد Amplified

بيقمنت اللون قوي وقريب للمات في القوة لكن كريمية أكثر من الساتن، عشان كذا الأفضل استخدام محدد شفاة معاها، سهلة المد ومريحة. منها الروج المشهور [ Full Fuchsia ].

  • الامبليفايد كريم Amplified Crème

بيقمنت اللون مثل مجموعة الامبليفايد لكن القوام كريمي أكثر، اللون يبدأ يختفي بعد فترة بسبب الترطيب عشان كذا يفضل استخدام محدد شفاه كأساس تحتها.

  • الكريم شين Cremesheen

بيقمنت اللون ووضوحه ممتاز لكن أقل تغطيه من المجموعات اللي ذكرتها قبل، القوام كريمي يعطي لمعة رطبة أكثر، اللون يختفي أسرع من المجموعات اللي قبل بحيث يحتاج تجددينه بعد كم ساعة.

  • اللاستر Lustre

بيقمنت اللون خفيف وتغطيته أقل، كريمي وترطيبه أعلى وشفاف نوعًا ما، قلوسي وله لمعة. اللون في هذي المجموعة أقوى من آخر مجموعتين راح اذكرهم. بما انه زاد الترطيب فيه يعني قل الثبات عن اللي قبله.

  • الفروست Frost

مشابهه لمجموعة اللاستر، هذي المجموعة فيها شيمر (لمعة) زيادة. اللون اخف وكريمية أكثر من مجموعة اللاستر، أشهر الأرواج منها [ Angel ].

  • القليز Glaze

اقل المجموعات في اللون وأكثرها في الترطيب، تعطي مسحة خفيفة من اللون وملمس قلوسي لمّاع، ماتعطي تغطية، تناسب البنات اللي يفضلون الليب قلوس. ترطيبها قوي وثباتها قليل.

مجموعة من أرواجي

أكثر ثلاث أرواج استخدمهم، من اليمين إلى اليسار TWIG, FAUX, MEHR

في الصورة طالع لونهم متقارب كأنهم لون واحد، بس على الطبيعة فيه فرق

 FAUX LIPSTICKSATIN

 لون نود على وردي ناعم وهادي احبه كثير، النتفه اللي طالعه منه هي اللي باقي فيه هههه

TWIG LIPSTICKSATIN

احب روج على قلبي، الروج اللي على طول يدك تروح له لا شعوريًا بالنسبة لي. ماك يقولون انّه الروج اللي كان ورا شهرتهم !

 MHERMATTE

أول روج مات أحبه، مشهور وشهادتي فيه مجروحة !

 TOYING AROUNDAMPLIFIED

هذا الروج لميتد أديشن من بلاي لاند كولكشن لونه كورال دافي على وردي شوي، صيفي بجدارة.

 PAINTED SUNSETAMPLIFIED CR’EAME

لونه غريب أحمر لكن فيه هنت أورنج خفيف لونه بالضبط مثل اسمه غروب الشمس، هذا بعد كان ليمتد أديشن من فايب ترايب كولكشن. جميل لكن يمكن لو كان مات افضل من امبليفايد كريم.

M.A.C REDSATIN

أحمر صريح الاندرتون فيه أزرق، اللون الأحمر اذا كان اندرتونه أزرق يزيد بياض الأسنان، أما إذا كان اندرتونه على برتقالي ممكن يطلع لون صفار الاسنان حتى لو كان خفيف.

 MEDIASATIN

اللون أحمر قاني وصفهم له لون الريد واين، واضح من اول مسحه ما ينلعب معاه ههههه، بالتربيت الخفيف يصير يعطي لون طبيعي محمر جممميل للشفاة

وبس كذا طولت عليكم بالكلام، اتمنى انكم استفدتوا واخذتوا فكرة ممكن تساعدكم في الأختيار.

ألقاكم على خير

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

http://www.hloombloom.com/wp-content/plugins/wp-monalisa/icons/wpml_bye.gif 
http://www.hloombloom.com/wp-content/plugins/wp-monalisa/icons/wpml_good.gif 
http://www.hloombloom.com/wp-content/plugins/wp-monalisa/icons/wpml_negative.gif 
http://www.hloombloom.com/wp-content/plugins/wp-monalisa/icons/wpml_scratch.gif 
http://www.hloombloom.com/wp-content/plugins/wp-monalisa/icons/wpml_wacko.gif 
http://www.hloombloom.com/wp-content/plugins/wp-monalisa/icons/wpml_yahoo.gif 
http://www.hloombloom.com/wp-content/plugins/wp-monalisa/icons/wpml_cool.gif 
http://www.hloombloom.com/wp-content/plugins/wp-monalisa/icons/wpml_heart.gif 
http://www.hloombloom.com/wp-content/plugins/wp-monalisa/icons/wpml_rose.gif 
http://www.hloombloom.com/wp-content/plugins/wp-monalisa/icons/wpml_smile.gif 
http://www.hloombloom.com/wp-content/plugins/wp-monalisa/icons/wpml_whistle3.gif 
http://www.hloombloom.com/wp-content/plugins/wp-monalisa/icons/wpml_yes.gif 
http://www.hloombloom.com/wp-content/plugins/wp-monalisa/icons/wpml_cry.gif 
http://www.hloombloom.com/wp-content/plugins/wp-monalisa/icons/wpml_mail.gif 
http://www.hloombloom.com/wp-content/plugins/wp-monalisa/icons/wpml_sad.gif 
http://www.hloombloom.com/wp-content/plugins/wp-monalisa/icons/wpml_unsure.gif 
http://www.hloombloom.com/wp-content/plugins/wp-monalisa/icons/wpml_wink.gif